Անհետ կորածների հարազատները բացեցին Տիգրան Մեծ պողոտան

Անհետ կորածների հարազատները, որոնք ի նշան բողոքի փակել էին Տիգրան Մեծ պողոտան, վարչապետի աշխատակազմի ղեկավար Արսեն Թորոսյանի հետ հանդիպումից հետո բացեցին այն:

Անհետ կորածների հարազատները նշեցին, որ հանդիպումն իրենց գոհացրել է: «Ինքն էլ ունի ննջեցյալ, պետք է այցելի, այդ պատճառով փողոցը կբացենք։ Եղել է մարդավարի հանդիպում»,- նշեց նա։

Անհետ կորած զինածառայողների ծնողները վրդովված էին վարչապետի աշխատակազմի ղեկավար Արսեն Թորոսյանի այն արտահայտությունից, թե իրենք պետք է շնորհակալ լինեն, որ գոնե 5 գերու են հետ բերել։

Այնուհետր Թորոսյանը հերքեց այդ տեղեկությունը, նշելով, որ գերեվարվածների հարազատների հետ հանդիպումից հետո իր խոսքը սխալ մեկնաբանության առիթ է դարձել։

VERELQ-ը հիշեցնում է, որ այսօր Էջմիածնում տեղակայված քիմպաշտպանության ստորաբաժանման 40 զինծառայողների հարազատները, որոնց արցախյան պատերազմի ժամանակ տեղափոխել են Կովսականի շրջան և մինչ օրս անհայտ կորած են համարվում, հերթական բողոքի ակցիան են անցկացրել կառավարության շենքի դիմաց:

Նրանց հետ ակցիային մասնակցում են նաև անհետ կորած զինվորների երեխաները։ Ծնողները շարունակում են պնդել, որ տեղեկություններ ունեն այն մասին, որ իրենց երեխաները ոչ թե մահացել են, այլ գերի են ընկել։