Հինգ հայ գերի վերադարձվեց Հայաստան. հայտնի են նրանց անունները

Քիչ առաջ Էրեբունի օդանավակայանում վայրէջք կատարեց Ադրբեջանից հայ գերիներին տեղափոխող օդանավը:

Հայաստան է վերադարձվել ևս հինգ հայ գերի։ Ընդհանուր առմամբ մինչ օրս Ադրբեջանից Հայաստան է տեղափոխվել 64 գերի։

Ըստ ոչ պաշտոնական տեղեկատվության, Ադրբեջանում պահվում է 200-ից ավելի հայ գերի, նրանց թվում թե՛ զինծառայողներ են, թե՛ խաղաղ բնակիչներ: Կան նաև կանայք:

Գերիներին ուղեկցել է Արցախում ռուս խաղաղապահների հրամանատար, գեներալ–լեյտենանտ Ռուստամ Մուրադովը։

Հայրենիք են վերադարձել՝ 

Ալոյան Թաթուլ Սամվելի

Գալստյան Արայիկ Հրաչյայի

Իսրայելյան Հովհաննես Գևորգի

Մովսիսյան Վահրամ Արայիկի

Մանուկյան Կարեն Արայիկի:

Նշենք, որ այսօր ցերեկը տեղեկատվություն տարածվեց, որ Հայաստան են վերադարձվելու 20 գերիներ, ինչի հետևանքով օդանավակայանում բազմաթիվ ծնողներ էին հավաքվել: