Արցախի փրկարարները հայտնաբերել են ևս 8 զոհված զինծառայողի աճյուն. նրանք անճանաչելի են

Հունվարի 28-ին իրականացված որոնողական աշխատանքների արդյունքում Արցախի փրկարարները հայտնաբերել են ևս 8 զոհված զինծառայողի աճյուն: Այս մասին հայտնում են Արցախի ԱԻՊԾ-ից:

Մարմիններն անճանաչելի են, միայն դատաբժշկական փորձաքննությունից հետո պարզ կլինի նրանց ինքնությունը:

Փրկարար-որոնողական աշխատանքներն այսօր շարունակվում են Մարտունու, Հադրութի և Ջրականի (Ջաբրաիլ) շրջաններում:

Առ այսօր հայտնաբերվել է 1329 աճյուն: