ՌԴ փոխվարչապետն անթույլատրելի է համարում պատվաստումների միջազգային անձնագրերի ներմուծումը

Ցանկացած տեսակի պատվաստումների անձնագրերի ներդրումը, որոնք կսահմանափակեին երկրների միջեւ մարդկանց տեղաշարժը, անթույլատրելի է: Այս մասին «Ռոսիա-1» հեռուստաալիքի եթերում հայտարարել է ՌԴ փոխվարչապետ Տատյանա Գոլիկովան։


«Այսօրվա դրությամբ, իմ կարծիքով, ակնհայտ է, որ ոչ բոլոր երկրներն ունեն պատվաստման հնարավորություն, ոչ բոլոր երկրներն ունեն այն զինանոցը, որն ունի, օրինակ, Ռուսաստանը, եւ ցանկացած տեսակի անձնագրեր սահմանափակում են մարդկանց միջազգային տեղաշարժը, ինչը, մեր կարծիքով, այժմ անթույլատրելի է», - ասել է նա, փոխանցում է ՏԱՍՍ-ը:


Գոլիկովան հավելել է, որ կորոնավիրուսի դեմ պատվաստումների մասին փաստաթղթեր մտցնելու մի շարք տարածաշրջանների նախաձեռնությունը, որոնք զանգվածային միջոցառումներին թույլտվություն կտային մասնակցել, անթույլատրելի է:


«Դա սխալ մոտեցում է։ Մենք, ցավոք սրտի, նույնպես մի շարք շրջաններում այնպիսի ցանկություններ ենք ունեցել, որպեսզի որոշ տարածաշրջանային փաստաթղթեր ներդնել, որոնք ներկայացնելիս կաշխատեն ինչ-որ լայնածավալ կամ հասարակական նշանակության միջոցառումների թույլտվության տեսանկյունից։ Այսօր մենք խոսել ենք տարածաշրջանների հետ, անթույլատրելի է նման փաստաթղթերի ներմուծումը», - ասել է նա։


Նրա խոսքով՝ Եվրամիությունը քննարկում է նման նախաձեռնություններ, բայց դրանք ավելի շուտ փաստաթղթեր են, որոնք կգործեն այն երկրների համար, որտեղ շատ զբոսաշրջիկներ են լինում, եւ «նրանք փորձում են այդ կերպ ապահովագրել իրենց եւ ապահովագրել այն մարդկանց, որոնք իրենց մոտ են գալիս»:


«ԱՀԿ-ի միջազգային բժշկասանիտարական կանոնների արտակարգ իրավիճակների կոմիտեն, որը նիստ էր գումարել անցյալ շաբաթ, որոշում է ընդունել այն մասին, որ այժմ նպատակահարմար չէ որեւէ փաստաթուղթ մտցնել, որոնք սահմանափակում են մարդկանց տեղաշարժը», - հիշեցրել է փոխվարչապետը:

Տպել

Թեմայի այլ նորություններ
Загрузка...