Ռուսաստան կարող են մուտք գործել անհետաձգելի բուժման նպատակով մեկնող ՀՀ քաղաքացիները

Ռուսաստանում ՀՀ դեսպանությունը հայտարարություն է տարածել՝ տեղեկացնելով, որ բուժման նպատակով ՌԴ կարող են մուտք գործել միայն ՀՀ այն քաղաքացիները, որոնք, ելնելով առողջական վիճակից, պետական լիցենզավորում ունեցող ռուսաստանյան բուժհաստատություններում պետք է անցնեն անհետաձգելի բուժում։

«Նշված քաղաքացիները օդանավակայանում պարտադիր պետք է ներկայացնեն բուժհաստատության կողմից տրված համապատասխան հրավեր-փաստաթուղթը, որը կպարունակի քաղաքացու տվյալները, բուժման անհետաձգելիության վերաբերյալ տեղեկատվությունն ու ժամկետները,

Նշյալ հրավերները պետք է լինեն համապատասխան կարգով հաստատված բուժհաստատության կողմից և գրանցված տվյալների առցանց ռեգիստրում/բազայում,

Չհամապատասխանող փաստաթղթերը կարող են ճանաչվել որպես ոչ բավարար հիմք երկիր մուտք գործելու համար։

Նշենք նաև, որ ցանկացած փաստաթուղթ ենթակա է հավելյալ ստուգման օդանվակայանի սահմանապահների կողմից։

Տարաբնույթ խնդիրներից խուսափելու նպատակով հորդորում ենք մեր քաղաքացիներին դրսևորել առավելագույն պատասխանատվություն նշյալ հարցերում, խստիվ հետևել պահանջվող փաստաթղթերի ձևակերպման և գրանցման կարգին, մինչև մեկնումը նախապես ունենալ բոլոր անհրաժեշտ փաստաթղթերն ու համոզվել դրանց իսկության, համապատասխանելիության մեջ»,- նշված է հայտարարությունում։

https://developers.facebook.com/docs/plugins/embedded-posts/?prefill_href=https%3A%2F%2Fwww.facebook.com%2Farmembrus%2Fposts%2F1303219216729879&__cft__[0]=AZUTptChjLxcH-NgPhV-T3pv3WhzGVLQKLAc6JybBGNUntsy5SeyEV6-m0Z76VewA0z_-QkJJ01TuLNZQFYqqlOiC-yZNFYTrQDuhP7bZ6v1uD0JaKj4IfINQ12Nf9A1w5f_WF2Slf6fZ_0l-YZj0p0h&__tn__=p%2CP-R#code-generator