Ընդդիմադիր 17 կուսակցությունների վարչապետի միասնական թեկնածուն Վազգեն Մանուկյանն է

Ընդդիմադիր 17 կուսակցությունների վարչապետի միասնական թեկնածուն Վազգեն Մանուկյանն է: Այս մասին լրագրողներին հայտնել է ՀՅԴ Գերագույն մարմնի անդամ Իշխան Սաղաթելյանը:

Նա նշել է, որ պետք է տեղի ունենան արտահերթ ընտրություններ և Վազգեն Մանուկյանն այն թեկնածուն է, որի գլխավորությամբ գործող ժամանակավոր կառավարությունը կկարողանա հաղթահարել Հայաստանի առջև ծառացած մարտահրավերները:

"Սպասվող ընտրություններում Վազգեն Մանուկյանը չի առաջադրվելու",- ընդգծեց նա:

Սաղաթելյանը տեղեկացրեց նաև, որ շաբաթ օրը կայանալիք ընդդիմադիր ուժերի հանրահավաքում Վազգեն Մանուկյանը հանդես կգա ելույթով: