ANCA-ն կոչ է անում Պետդեպարտամենտին հետ կանչել Հայաստանում ԱՄՆ դեսպան Լին Թրեյսիին

Ամերիկայի Հայ դատի հանձնախումբը (ANCA) կոչ է անում Պետդեպարտամենտին հետ կանչել Հայաստանում ԱՄՆ դեսպան Լին Թրեյսիին, իսկ Բայդենի նոր վարչակազմին` վերականգնել եւ ամրապնդել հայ-ամերիկյան հարաբերությունները՝ նշանակելով ԱՄՆ նոր դեսպան: Այս մասին ասվում է ANCA-ի դեկտեմբերի 1-ին հրապարակված հայտարարության մեջ։

«ANCA-ն ցանկանում է, որ Հայաստանում յուրաքանչյուր ամերիկյան դեսպան հաջող լինի։ Ցավոք, երբ Ամերիկային պետք եկավ ուժեղ դեսպան Երևանում, մեր երկրի ներկայացուցիչը տապալեց այն։ Լին Թրեյսին անհաջողություն է կրել յուրաքանչյուր հարցում. այն չի համապատասխանել Հայաստանում Ամերիկյան նվազագույն կոմպետենտ դեսպանի մասնագիտական չափանիշներին», - ասվում է ANCA-ի նախագահ Րաֆֆի Ամպարյանի հայտարարության մեջ:

Նրա խոսքով, Թրեյսին լռել է Ադրբեջանի եւ Թուրքիայի կողմից գոյություն ունեցող ռազմական հանցագործությունների մասին, որոնք սպառնում էին հայ ժողովրդի գոյությանը:

«Լին Թրեյսին չի կարողացել օգնել հայերին ոչ նյութապես, ոչ էլ բարոյապես ազգային ճգնաժամի ժամանակ։ ԱՄՆ-ի եւ Հայաստանի հարաբերություններն Թրեյսի առաքելության ավարտի պահին վատացել է այն ժամանակահատվածի համեմատ, երբ նա ժամանել է Երեւան», - վստահ է Համփարյանը։