Ադրբեջանի խորհրդարանը կոչ է արել Ֆրանսիային հետ կանչել ԵԱՀԿ Մինսկի խմբից

Ադրբեջանի Միլի մեջլիսը կառավարությանը կոչ է արել դիմել ԵԱՀԿ ղեկավարությանը՝ Ֆրանսիային Մինսկի խմբից հետ կանչելու համար: Այս մասին ասված է Ադրբեջանի խորհրդարանի կողմից ընդունված հայտարարության մեջ: Այս մասին հաղորդում է ՏԱՍՍ-ը:

Հայտարարությունն ընդունվել է ի պատասխան Ֆրանսիայի Սենատի կողմից ընդունված բանաձևի, որով կառավարությանը կոչ է արվում ճանաչել Լեռնային Ղարաբաղի անկախությունը:

Ըստ հեղինակների՝ Ֆրանսիան վերջին օրերին իր դիրքորոշմամբ և հայտարարություններով "կասկածի տակ է դնում սեփական չեզոքությունը":