Հաստատվել է կորոնավիրուսի 2 398 նոր դեպք, մահացել է 28 մարդ

Հայաստանում հոկտեմբերի 30-ի դրությամբ հաստատվել է կորոնավիրուսի 2 398 նոր դեպք, 1 059 մարդ առողջացել է: Մահացել է 28 մարդ։ Բացասական թեստերի թիվը 2 538 է: Դրական է կատարված թեստերի 48,5 տոկոսը։

Ինչպես հայտնում են ՀՀ Առողջապահության նախարարությունից, ընդհանուր համաճարակային վիճակը Հայաստանում հետևյալն է.

Հաստատված դեպքերի ընդհանուր քանակը - 87 432
Առողջացածներ - 54 316
Փաստացի բուժվողներ -31 458
Ընդհանուր թեստեր - 397 596
Մահվան ելքեր - 1 300
Մահվան ելքեր այլ պատճառով – 358

Նախորդ օրն արձանագրվել է մահվան 4 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։