ՌԴ-ն Թուրքիայի հետ շփումներում բարձրաձայնում է Ղարաբաղ ահաբեկիչներ տեղափոխելու հարցը

Ռուսաստանը Թուրքիայի հետ շփումներում բարձրաձայնում է Սիրիայից և Լիբիայից Լեռնային Ղարաբաղի հակամարտության գոտի ահաբեկիչներ տեղափոխելու հարցը: Այդ մասին հայտարարել է ՌԴ նախագահի Մերձավոր Արևելքի և Աֆրիկայի հարցերով հատուկ ներկայացուցիչ, փոխարտգործնախարար Միխայիլ Բոգդանովը:

«Մենք քննարկում ենք բոլոր հարցերը»,- ասել է նա:

Ճշտող հարցին՝ արդյոք ռուսական կողմն ընդգծում է ղարաբաղյան հակամարտության գոտի ահաբեկիչներ տեղափոխելու անընդունելիությունը, փոխարտգործնախարարը տվել է դրական պատասխան. «Իհարկե»: