Արցախի հարավում խոցվել է երեք ադրբեջանական ինքնաթիռ. Արծրուն Հովհաննիսյան

Ժամը 08:25 ի սահմաններում Արցախի հարավում խոցվել է ադրբեջանական ինքնաթիռ։ Այդ մասին հայտնել է ՊՆ ներկայացուցիչ Արծրուն Հովհաննիսյանը՝ քիչ անց հավելելով. "Եվս երկու ինքնաթիռ զգետնվեց 10 րոպե առաջ։ Համառ մարտերը շարունակվում են"։

ՊՆ-ն ավելի վաղ հայտնել էր, որ Արցախի սահմանի հյուսիսային և հրավային ուղղություններում այս պահին ընթանում են համառ և թեժ մարտեր։ 

«Հակառակորդը, մեծ ուժեր կենտրոնացնելով այս թևերում, անցել է հարձակման։ Հայկական ստորաբաժանումները կասեցնում են հակառակորդի առաջխաղացումը՝ պատճառելով մեծ կորուստներ», - հայտնել է ՊՆ մամուլի խոսնակ Շուշան Ստեփանյանը։

Այսօր վաղ առավոտյան Արցախի նախագահ Արայիկ Հարությունյանը կոչ է արել անհապաղ ոտքի կանգնել և անմնացորդ նվիրումով պաշտպանել սեփական հայրենիքում անվտանգի ապրելու անքակտելի իրավունքը:

Նա հայտարարել է, որ հատուկ նշանակության ստորաբաժանումների հետ այժմ մեկնում է առաջնագիծ՝ իմ բաժին մարտը մղելու: