Կառավարությունը 182 մլն դրամ հատկացրեց փլուզված շենքի 12 բնակարանների սեփականատերներին

ՀՀ կառավարությունը 182 մլն դրամ հատկացրեց օգոստոսի 26-ին պատահարի արդյունքում Յան Ռայնիսի փողոցի N1 շենքի փլուզված 12 բնակարանների սեփականատերներին՝ նոր բնակարան գնելու համար:

Որոշումն ընդունվեց կառավարության այսօրվա նիստում:

VERELQ-ը հիշեցնում է, որ օգոստոսի 26-ի առավոտյան Երևանի Ռայնիսի փողոցի թիվ 3 հասցեում գազի արտահոսքից տեղի է ունեցել պայթյուն, շենքը մասնակի փլուզվել է։ Առանց բնակարան էր մնացել 12 ընտանիք: