Զաքիր Հասանովը ժամանել է Մոսկվա

Ադրբեջանի պաշտպանության նախարար, գեներալ-գնդապետ Զաքիր Հասանովը ժամանել է Ռուսաստանի մայրաքաղաք, հաղորդում է ԱՊԱ-ն:

Այցի նպատակն է մասնակցել ԱՊՀ պաշտպանության նախարարների խորհրդի եւ Շանհայի համագործակցության կազմակերպության նիստին: ԱՊՀ-ի պաշտպանության նախարարների խորհրդի եւ Շանհայի համագործակցության կազմակերպության նիստը տեղի կունենա Մոսկվայի մարզի "Պարկ Պատրիոտ" կենտրոնում:

Նույն օրը տեղի կունենա Հավաքական անվտանգության պայմանագրի կազմակերպության պաշտպանության նախարարների խորհրդի նիստը:

Սեպտեմբերի 5-ին Ադրբեջանի պաշտպանության նախարարը կհետեւի բանակային "Տանկային բիաթլոն" մարզական խաղերի եզրափակիչ փուլին: