29.03.2024
Հայաստանում ռազմագերիներ չկան. ԱԳՆ պատասխանը՝ «բոլորը բոլորի դիմաց» Բաքվի պահանջին
prev Նախորդ նորություն

Նորություններ գործընկերներից

Քաղաքացիական բնակավայրերի հրետակոծման թիրախը վնաս հասցնելու մտադրությունն էր. ՄԻՊ

Հայաստանի մարդու իրավունքների պաշտպան Արման Թաթոյանը հարցազրույց է տվել «Nouvelles d’Arménie» պարբերականին, որում անդրադարձել է հուլիսի 12-14-ն ընկած ժամանակահատվածում ադրբեջանական զինված ուժերի կողմից Տավուշի մարզի քաղաքացիական բնակավայրերի հրետակոծություններին և գնդակոծություններին:


Արման Թաթոյանը նաև ներկայացրել է Պաշտպանի աշխատակազմի կողմից իրականացված փաստահավաք աշխատանքները, Ադրբեջանի հակահայկական քարոզչությունը, մարդասիրական իրավունքի նորմերի կոպիտ խախտումները և այլն:


Մասնավորապես, պատասխանելով հարցին, թե ի՞նչ վնաս են կրել Տավուշի խաղաղ բնակիչներն ադրբեջանական զինված ուժերի ռազմական գործողությունների ժամանակ, Արման Թաթոյանը նշել է, որ փաստահավաք աշխատանքները փաստում են, որ քաղաքացիական բնակավայրերի հրետակոծումը եղել է թիրախավորված վնաս հասցնելու մտադրությամբ:


«Միջազգային մարդասիրական իրավունքը պահանջում է հստակ տարանջատում քաղաքացիական բնակավայրերի և ռազմական հաստատությունների միջև: Քաղաքացիական բնակավայրերը պետք է պաշտպանված լինեն: Երեխաները, տարեցները, կանայք ենթակա են հատուկ պաշտպանության:


Ադրբեջանական զինված ուժերի կողմից հայկական քաղաքներն ու գյուղերը հրետակոծվել են առավելապես առավոտյան և ցերեկային ժամերին: Կիրառվել են հրետանային արկեր դպրոցների և մանկապարտեզների, բժշկական դիմակ արտադրող ձեռնարկության ուղղությամբ»,- ասել է նա:


 

Սոցիալապես անապահովներին կտրամադրվեն հիփոթեքային վարկի արտոնյալ պայմաններ. նախագիծ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար