Մհեր Մկրտչյանի անվան և Պատանի հանդիսատեսի թատրոնները կվերանորոգվեն

«Էրեբունի-Երեւան» տոնակատարությունների այս տարվա բյուջեի շուրջ 80%-ը՝ 150 միլիոն դրամ, Երևանի քաղաքապետարանը կուղղի համայնքապատկան երկու թատրոնների վերազինմանն ու վերանորոգմանը։

Քաղաքապետարանից հայտնում են, որ Մհեր Մկրտչյանի անվան արտիստական թատրոնը եւ Պատանի հանդիսատեսի թատրոնը վաղուց նորոգման կարիք ունեն։ Քաղաքապետ Հայկ Մարությանն այցելել է նաեւ Հրաչյա Ղափլանյանի անվան դրամատիկական թատրոն, որը արդեն վերանորոգված եւ նորագույն լուսային ու ձայնային տեխնիկայով վերազինված շուտով կվերսկսի իր աշխատանքը։