Մոսկվայի հետ ռազմատեխնիկական համագործակցությունն աննախադեպ մակարդակի է. նախարար

«Բանակ-2020» համաժողովի շրջանակում ՀՀ պաշտպանության նախարար Դավիթ Տոնոյանը հայտարարել է Մոսկվայի հետ ռազմատեխնիկական համագործակցության աննախադեպ մակարդակի մասին, հաղորդում է «Զվեզդա» հեռուստաալիքը:

Պաշտպանական գերատեսչության ղեկավարն ընդգծել է, որ ոչ մի պետություն չի կարող համեմատվել Հայաստանի եւ Ռուսաստանի հետ ռազմատեխնիկական համագործակցության մակարդակով: Տոնոյանն անկեղծ շնորհակալություն է հայտնել կորոնավիրուսի դեմ պայքարում ռուսական կողմի աջակցության համար:

Անդրադարձ է կատարվել նաև ռազմական կրթության ոլորտում երկու երկրների համագործակցությանը։ Հանրապետությունը յուրաքանչյուր տարի Ռուսաստանի բարձրագույն ուսումնական հաստատություններ է ուղարկում կուրսանտներ եւ սպաներ ՝ ուսուցման եւ մասնագիտական վերապատրաստման համար, հայտարարել է Դավիթ Տոնոյանը:

2015 թվականին Հայրենական մեծ պատերազմում տարած հաղթանակի 70-ամյակի առթիվ պաշտպանության նախարարությունն անցկացրել է "Հաղթանակի ժառանգորդ" լայնամասշտաբ ռազմամարզական համաժողովը, որին մասնակցել են հետխորհրդային տարածքի բոլոր երկրները ՝ ավելի քան 500 մարդ:

Նախարարը չբացառեց, որ այս տարի Հաղթանակի 75-րդ տարեդարձի կապակցությամբ Հայաստանում նման մակարդակի միջոցառում անցկացվի: