Հունաստանի խորհրդարանը վավերացրել է Հայաստան-ԵՄ համաձայնագիրը

Հունաստանի խորհրդարանը վավերացրել է Հայաստան-Եվրամիություն Համապարփակ և ընդլայնված գործընկերության համաձայնագիրը:

Հայաստանի արտգործնախարարության հաղորդագրության համաձայն՝ համաձայնագիրը վավերացվել է երեկ Հունաստանի խորհրդարանի լիագումար նիստում, որը նախագահել է փոխխոսնակ Աթանասիոս Բուրասը՝ «Նոր ժողովրդավարություն» կուսակցությունից:

Համաձայնագիրը խորհրդարան էր մտել հունիսի 24-ին, հուլիսի 1-ին Արտաքին գործերի և ազգային պաշտպանության խորհրդարանական մշտական հանձնաժողովում վավերացմանը նախորդել են քննարկումներն ու լսումները: Կողմ են արտահայտվել իշխող «Նոր ժողովրդավարություն», հիմնական ընդդիմադիր «ՍԻՐԻԶԱ», «Փոփոխության շարժում» («Կինիմա Ալաղիս»), «Հունական լուծում» («Էլլինիկի Լիսի») և «Մերա 25» կուսակցությունները, դեմ՝ Հունաստանի կոմունիստական կուսակցությունը: