Քաղաքական պատվերով հետապնդումներ չեն կարող լինել. Արարատ Միրզոյան

ԲՀԿ խմբակցության ղեկավար Գագաիկ Ծառուկյանի շուրջ կատարվողը գործընթացն իրավական է և շատ կարևոր է այն չքաղաքականացնելը: Պետք է տարանջատել իրավական և քաղաքական գործընթացները: Այդ մասին Ազգային ժողովում այսօր՝ հունիսի 16-ին, լրագրողների հետ զրույցում հայտարարեց ԱԺ նախագահ Արարատ Միրզոյանը:

Նրա խոսքով, Հայաստանը ժողովրդավար պետություն է և քաղաքական պատվերով հետապնդումներ չեն կարող լինել: «Ես դա բացառում եմ», - ասաց նա՝ պատասխանելով ընդդիմախոսների հայտարարություններին առ այն, թե գործ ունեն քաղաքական պատվերի հետ, որը 2015 թ. դեպերի կրկնությունն է:

«2015-ին եղել է կոմպրոմատների միջոցով լռեցնելու փորձ: Այնուհետև եկել են պայմանավոևվածության: Մենք չենք գնացել նման կուլիսային գործընթացների: Ինչ կատարվում է, կարատվում է բաց և ձեր աչքի առաջ», - ասաց նա՝ հավելելով, որ եթե լինի ԱԺ համաձայնություն եւ Գագիկ Ծառուկյանը զրկվի ազատությունից, պետք է լինի դատական գործընթաց:

«Ինչպես ցանկացած այլ դատական գործընթացի պարագայում, ցանկացած ՀՀ քաղաքացի իրավունք ունի պայքարել ցանկացած անձի ազատության համար, ինչպես դա թույլ է տալիս օրենսդրությունը: Դրանք եւ փաստաբաններն են, եւ գուցե աջակիցների խումբ կա, որ հավատացած է նրա անմեղությանը եւ անհրաժեշտ է համարում պայքարել օրինական միջոցներով:

Անշուշտ այստեղ կա համավարակի գործոնը եւ այս արտակարգ դրությունը որոշակի շտկումներ է մտցնելու բոլոր քաղաքացիների վարքում: Մենք չենք կարող այդ սահմանափակումներն անտեսել»,-ասաց նա: