Արսեն Թորոսյանը ինքնամեկուսացել է, սպասում են թեստի պատասխանին

Առողջապահության նախարար Արսեն Թորոսյանն ինքնամեկուսացել է: Այս մասին հայտնել է նախարարության խոսնակ Ալինա Նիկողոսյանը։

Նրա խոսքով, առողջապահության նախարարությունում կորոնավիրուսի դեպքեր են հաստատվել, վարակակիրների շփման շրջանակը պարզվում է: Իրականացվում են համաճարակաբանական գործողություններ։

«Արսեն Թորոսյանը թեստ է հանձնել, սպասում ենք պատասխանին», - ասել է խոսնակը: