28.03.2024
ՀՀ կառավարությունը շարունակելու է տնտեսություն զարգացնել ու խրախուսել աշխատավոր մարդկանց
prev Նախորդ նորություն

Նորություններ գործընկերներից

Ճգնաժամի հաղթահարման գրավականը աշխատավորների իրավունքների պաշտպանությունն է. ՀՅԴ

ՀՅԴ Հայաստանի Գերագույն մարմինը շնորհավորական ուղերձ է հղել Աշխատանքի օրվա առթիվ:


Ուղերձում ասվում է. «Սիրելի հայրենակիցներ,


Այսօր մայիսի 1-ն է, Աշխատանքի եւ աշխատավորների իրավունքների պաշտպանության օրը: Մեզանում բոլոր ժամանակներում հատուկ ակնածանք է դրսեւորվել աշխատանքի եւ աշխատավորի նկատմամբ: Հայ ժողովուրդը հավաքական արարումով եւ քրտնաջան աշխատանքով է կերտել իր ինքնությունը, ամրապնդել պետականությունը:


Համավարակի, նաեւ սոցիալ-տնտեսական եւ հոգեբարոյական աննախադեպ մարտահրավերների պատճառով ծանր ժամանակներ է ապրում մեր ողջ հասարակությունը:


Միանշանակ է, որ ճգնաժամի հաղթահարման գրավականը աշխատավորների իրավունքների պաշտպանությունն է, սոցիալական արդարությունն ու համերաշխությունը, հանրային արդյունքի արդար բաշխումն ու աշխատանքային հարաբերությունների իրավական կարգավորումը:


Մայիսի 1-ը արդարության պայքարի խորհրդանիշ է: Աներկբա է՝ օրեցօր խորացող մարտահրավերները հաղթահարելու, հասարակության բոլոր շերտերի բարեկեցիկ եւ արժանապատիվ կյանքի համար համարժեք պետական քաղաքականություն է անհրաժեշտ:


Սիրելի’ հայրենակիցներ, շնորհավորում ենք Աշխատանքի օրվա առթիվ եւ մեր հաստատակամությունը հայտնում՝ կանգնելու աշխատավորի կողքին, պաշտպանելու նրա իրավունքները հանուն համազգային բարօրության եւ մեր երկրի անխաթար եւ խաղաղ զարգացման:

Վերաբացել, թե ոչ. Վիգեն Սարգսյանը զգուշացնում է՝ աղետը կանխելը կարող է անհնարին դառնալ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար