Ապրիլի 14-ին Արցախում կանցկացվի նախագահական ընտրությունների երկրորդ փուլ. ԿԸՀ

Արցախում ապրիլի 14-ին տեղի է ունենալու նախագահական ընտրությունների երկրորդ փուլ, քանի որ թեկնածուներից որևէ մեկին չի հաջողվել հավաքել 50 տոկոս ձայն։ Այս մասին Ստեփանակերտում մամուլի ասուլիսին հայտարարեց Արցախի ԿԸՀ նախագահ Սրբուհի Արզումանյանը:

Ըստ այդմ, թեկնածուներից ոչ մեկը չի ստացել 50 տոկոսից ավելի ձայն, հետեւաբար պետք է տեղի ունենա քվեարկության երկրորդ փուլ՝ ապրիլի 14-ին:

Ըստ այդմ, առաջատար եռյակի ձայները բաշխվել են հետեւյալ կերպ.

1․ Արայիկ Հարությունյան – 36076 քվե (49.2 տոկոս)

2․ Մասիս Մայիլյան – 19360 քվե (26.4 տոկոս)

3․ Վիտալի Բալասանյան – 10755 քվե (14.7 տոկոս)

Մյուս թեկնածուների ձայների բաշխվածությունը հետևյալն է.

Բալայան Քրիստին՝ 202 ընտրող 0,3%

Ամիրյան Սերգեյ՝ 106 ընտրող 0,2%

Բաբայն Դավիթ՝ 587 ընտրող 0,8%

Լալայան Բելլա՝ 162 ընտրող 0,2%

Խանումյան Հայկ՝ 962 ընտրող 1,3%

Իշխանյան Դավիթ՝ 1873 ընտրող 2,56%

Բադասյան Վահան՝ 743 ընտրող 1%

Ղուլյան Աշոտ՝ 1683 ընտրող 2,3%

Իսրայելյան Ռուսլան՝ 368 ընտրող 0,5%

Դադայան Աշոտ՝ 198 ընտրող 0,3%

Պողոսյան Մելսիկ՝ 141 ընտրող 0,2%

Անվավեր քվերաթերթիկների քանակը կազմել է 2625, այսինքն՝ քվերակության մասնակիցների 3,5%:

Արցախի նախագահի ընտրություններին ընտրողների թիվը կազմել է 104 348, որից ընտրություններին մասնակցել է 76 728 ընտրող:

«Այսպիսով, Արցախում ապրիլի 14-ին տեղի է ունենալու նախագահական ընտրությունների երկրորդ փուլ: Թեկնածուներից որևէ մեկին չի հաջողվել հավաքել 50 տոկոս ձայն», - ասաց Սրբուհի Արզումանյանը:

Նա նաև նկատեց, որ ներկայացնում է զուտ օրենսդրության պահանջը և չի կարող ասել արշարհում կորոնավիրուսի համաճարակի տրածման պայմաններում, ինչպիսի որոշում կկայացվի ընտրությունների երկրորդ փուլի վերավերյալ:

«Բնականաբար յուրաքանչյուր հարց քննարկվում է արցախսի ընտրողի առողջապահական անվտանգության հանգամանքներից ելնելով: Այս պահին ես հրապարակում եմ երկրորդ փուլի անցկացման ժամկետի մասին օրենսդրության պահանջը: Մնացած հարցերը պետք է լինեն պատկան մարմինների քննարկումների առարկան», - ասաց նա: