Զոհրաբ Մնացականյանը շնորհակալություն է հայտնել Սիրիայի խորհրդարանին

ՀՀ արտաքին գործերի նախարար Զոհրաբ Մնացականյանը փետրվարի 19-ին ընդունել է ՀՀ-ում Սիրիայի Արաբական Հանրապետության դեսպան Մուհամմեդ Հաջ Իբրահիմին։

ԱԳՆ-ից հայտնում են, որ Մնացականյանը Հայաստանի կառավարության և հայ ժողովրդի անունից խորին շնորհակալություն է հայտնել Սիրիայի խորհրդարանին Հայոց ցեղասպանության ճանաչման վերաբերյալ բանաձևն ընդունելու համար։

Հանդիպմանը զրուցակիցները քննարկել են նաև Մերձավոր Արևելքում զարգացումները։