ԵԽԽՎ զեկույց. Ադրբեջանը՝մամուլի համար ամենաթշնամական երկրներից մեկն է

Ադրբեջանի իշխանությունները պարտավոր են դադարեցնել ռեպրեսիաներն ընդդեմ լրագրողների, ապահովել խոսքի և ԶԼՄ-ների ազատությունն ու ապահովել ԶԼՄ-ների անվտանգությունը: Այդ մասին ասված է ԵԽԽՎ-ի զեկույցում:

Նշվում է, որ անընդունելի է, երբ Եվրոպայում լրագրողներն ենթարկվում են ֆիզիկական հարձակումների, քաղաքական և տնտեսական ճնշումների:

Զեկույցում Ադրբեջանին կոչ է արվում կտրուկ կերպով փոխել թշնամական միջավայրը ԶԼՄ-ների նկատմամբ:

2017թ.-ից սկսած 18 քրեական գործ է հարուցվել ԶԼՄ-ների ներկայացուցիչների նկատմամբ: Իսկ իշխանամետ ավելի քան 400 լրագրողներ իշխանություններից անվճար բնակարաններ են ստացել և դա կաշառքի տարբերակ է: