Փորձագետ. Թրամփը Մերձավոր Արևելքում քաոտիկ է գործում

Բարաք Օբաման և Ջորջ Բուշն ունեին հստակ ռազմավարություն Մերձավոր Արևելքում: Շատ դեպքերում այդ քաղաքականությունը քննադատվել է, սակայն այն առկա է եղել: Դոնալդ Թրամփը Մերձավոր Արևելքում քաոտիկ է գործում, ինչը խոսում է նրա մասին, որ նա հստակ ծրագիր չունի: Այդ մասին հայտարարել է փորձագետ Լուչանո Զաքքարան:

Նա նշել է, որ Իրանի շուրջ ճգնաժամը սկսվել է Կարմիր ծովում և Պարսից ծոցում տանկերների վրա հարձակման, ամերիկյան անօդաչուի խոցման և Սաուդյան Արաբիայի նավթահանքերի վրա հարձակման ժամանակ:

Ըստ նրա, Թրամփը դադարել է աշխարհում ժողովրդավարության առաջխաղացման ռազմավարություն վարել:Նա առաջ է տանում միայն ամերիկյան ազգային շահերն աշխարհում:

Նա հավելել է, որ Սպիտակ տունը ցանկանում է պահպանել ազդեցությունը Մերձավոր Արևելքում, սակայն չի ցանկանում դրա համար ջանքեր գործադրել: