Իրանը պատրաստ է երկխոսել հարևանների հետ. Զարիֆ

Իրանը տարածաշրջանում անվտանգության ու կայունության վերականգնման համար պատրաստ է երկխոսել հարևանների հետ։ Այս մասին Իրանի արտաքին գործերի նախարար Մոհամադ Ջավադ Զարիֆը գրել է Twitter-ի իր միկրոբլոգում։

«Իրանը բաց է հարևանների հետ երկխոսության համար: Եվ մենք հայտարարում ենք տարածաշրջանի շահերին համապատասխանող ցանկացած լրացուցիչ աշխատանքի մասնակցելու պատրաստակամության մասին ու ողջունում ենք ցանկացած քայլ, որն իր ժողովրդի մոտ հույս է վերածնում ու տանում կայունության ու բարգավաճման»,- գրել է Զարիֆը։