Զաքիր Հասանովը՝ կառուցվող ռազմական օբյեկտների տեսչական ստուգում է անցկացրել

Ադրբեջանի նախագահի հանձնարարությամբ՝ զորամասերում շարունակվում են ինտենսիվ շինարարական և վերանորոգման-վերականգնման աշխատանքները՝ անձնակազմի ծառայողական և սոցիալական պայմանների բարելավման նպատակով:

Այս մասին հայտնում է Ադրբեջանի պաշտպանության նախարարությունը:

Պաշտպանության նախարար Զաքիր Հասանովը այցելել է զորամասերից մեկը, որտեղ կառուցվում են մի շարք օբյեկտներ: Զեկուցվել է, որ շտաբի շենքի, զինվորական զորանոցի, բուժկետի և այլ օբյեկտների շինարարությունը կավարտվի մոտ ապագայում:

Զորամասում շինարարական աշխատանքների ընթացքը ստուգելուց հետո, պաշտպանության նախարարը համապատասխան հանձնարարականներ է տվել: