Թուրքիան 30%-ով ավելացրել է ադրբեջանական գազի ներկրումը

Ընթացիկ տարվա հունվար-հոկտեմբերին Թուրքիան Ադրբեջանից ներկրել է ավելի քան 7,79 միլիարդ խորանարդ մետր գազ, ինչը 30%-ով շատ է նախորդ տարվա համապատասխան ժամանակահատվածի ցուցանիշից:

Ինչպես տեղեկացնում է Թուրքիայի էներգետիկ շուկայի կարգավորման վարչությունը, նախորդ տարվա հունվար-հոկտեմբերին Թուրքիայի կողմից ներկրված ադրբեջանական գազի ծավալը կազմել էր 6 մլրդ խորանարդ մետր:

Թուրքիա գազ մատակարարող երկրների շարքում առաջին հորիզոնականը զբաղեցնում է Ռուսաստանը: Հունվար-հոկտեմբերին Ռուսաստանից Թուրքիա մատակարարվել է շուրջ 12,21 մլրդ խմ գազ: Երկրորդ տեղում Ադրբեջանն է, իսկ երրորդ տեղում՝ Իրանը: