Իրանը, Ռուսաստանը և Չինաստանը ծովային զորավարժություններ են անցկացնում

Իրանը, Ռուսաստանը և Չինաստանը ծովային զորավարժություններ են սկսել Հնդկական օվկիանոսում:

«Այս զորավարժությունների ուղերձը խաղաղության, բարեկամության և համագործակցության ու միասնության ճանապարհով հարատև անվտանգության ապահովումն է: Զորավարժությունները հաստատում են, որ Իրանը հնարավոր չէ մեկուսացնել», - հայտարարել է Իրանի նավատորմի հրամանատար, ծովակալ Ղոլամռեզա Թահանին:

Դեկտեմբերի 27-ից 30-ն անցկացվող զորավարժությունները տեղի են ունենում Հնդկական օվկիանոսում և Օմանի նեղուցում: