Երեւանում թալանել են գլխավոր դատախազության վիճակագրական բաժնի պետի տունը

Երեւանում, դեկտեմբերի 20-ին, անհայտ անձը կամ անձինք թալանել են Աջափնյակ վարչական շրջանի բնակիչ, Աննա Բադալյանի բնակարանը:

Shamshyan.com-ի հաղորդմամբ, ժամը 17:30-ից մինչեւ 19:00-ն ընկած ժամանակահատվածում տեխնիկական միջոցների գործադրմամբ Դավիթաշեն 4-րդ թաղամասի 46 շենքի բնակիչ Ա. Բադալյանի տան դուռը բացել են, մտել տուն, տակնուվրա արել այն եւ ննջասենյակից հափշտակել գումար:

Աղբյուրի տեղեկություններով՝ Ա. Բադալյանն աշխատում է ՀՀ գլխավոր դատախազության վիճակագրական բաժնի պետ: