ԱՄՆ-ը հրաժարվել է Իրանի դեմ պատժամիջոցներից բացառություններ անել երրորդ երկրների համար

Միացյալ Նահանգները Իրանի նկատմամբ պատժամիջոցներից ոչ մի կարգի բացառություն չի անում երրորդ երկրների համար եւ դրանք կկիրառի ցանկացած գործունեության դեպքում, որն ամերիկյան կողմն արգելված է համարում: Այդ մասին հայտարարել է Իրանի հարցերով ԱՄՆ-ի հատուկ ներկայացուցիչ Բրայան Հուքը:

«Մենք պատժամիջոցներ ենք կիրառում ցանկացած գործունեության նկատմամբ, որը ենթակա է պատժամիջոցների: Դա է մեր քաղաքականությունը, եւ այն կիրառվում է բոլոր դեպքերում, դրանից ոչ մի կարգի բացառություններ չկան»,- ասել է նա:

«Որոշ դեպքերում մենք ուղղակիորեն պատժամիջոցներ ենք սահմանում Իրանի ֆիզիկական եւ իրավական անձանց դեմ, բայց կան նաեւ երկրորդային պատժամիջոցներ»,- նշել է ամերիկացի դիվանագետը: