Հայաստանը Նիդերլանդների համար ռազմավարական կարեւորություն ունի. ԱԳՆ

Նիդերլանդների արտաքին գործերի նախարարությունը ՀՀ-ում դեսպանություն բացելու վերաբերյալ հանդես է եկել հիմնավորմամբ՝ նշելով, որ Հայաստան|ը ռազմավարական նշանակություն ունի։ Այս մասին Facebookի իր էջում գրել է Նիդերլանդներում ՀՀ դեսպան Տիգրան Բալայանը:

«Հայաստանը գտնվում է Ռուսաստանի, Թուրքիայի եւ Իրանի միջեւ, հետեւաբար ռազմավարական կարեւորություն ունի: 2018 թվականի ապրիլին այսպես կոչված թավշյա հեղափոխությունից հետո նոր կառավարությունն արդիականացնում է երկիրը եւ պայքարում է կոռուպցիայի դեմ: Նիդերլանդները կարող է աջակցել այս գործընթացին: Այս պահին Հայաստանը տարածաշրջանում միակ երկիրն է, որտեղ Նիդերլանդները դեսպանատուն չունի: Ներկայացուցիչների պալատը ցանկանում է դեսպանատուն բացել նաեւ Երեւանում»,- ասված է հիմնավորման մեջ: