Դարձյալ Ամուլսարը. Տիգրան Ավինյանին դատի են տվել

ՀՀ 15 քաղաքացի քաղաքացիական հայց է ներկայացրել ՀՀ փոխվարչապետ Տիգրան Ավինյանի դեմ: Այս մասին տեղեկանում ենք դատական տեղեկատվական համակարգից:

Նրանք պահանջում են  պարտավորեցնել փոխվարչապետին հերքել զրպարտություն համարվող տվյալները: Խոսքը հոկտեմբերի 22-ին Թբիլիսիում ՀՀ փոխվարչապետի կողմից արած հայտարարությունն է Ամուլսարի հանքի շահագործման դեմ պայքարի մասին:

Հայցվորների մեծ մասը բնապահպաններ են:

Նշենք, որ Տիգրան Ավինյանը հայտարարել էր, որ Ամուլսարի հանքավայրի շահագործման դեմ արշավը ֆինանսավորվել է հանքարդյունաբերական ոլորտի ներկայացուցիչների կողմից: