Մուտքը բաց է եղել. ճշտում ենք վարչապետին հարց ուղղած ադրբեջանցու ինքնութունը. Կարապետյան

103

ՀՀ վարչապետի աշխատակազմը ճշտում է տեղեկատվությունն առ այն, արդյոք Միլանում հայկական եկեղեցի ներխուժած և ՀՀ վարչապետ Նիկոլ Փաշինյանին հարցեր ուղղած ադրբեջանցի բլոգերը անվտանգության աշխատակից է: Այս մասին հայտարարել է վարչապետի մամուլի խոսնակ Վլադիմիր Կարապետյանը:


Միլանի Հայ Առաքելական Սուրբ Քառասուն Մանկունք եկեղեցում նոյեմբերի 20-ին հայ համայնքի ներկայացուցիչների հետ ՀՀ վարչապետ Նիկոլ Փաշինյանի հետ հանդիպման ժամանակ միջադեպ էր գրանցվել: Եկեղեցի էր մտել մի ադրբեջանցի, որը ներկայացել էր որպես բլոգեր և հայտարարել էր՝ քանի որ Նիկոլ Փաշինյանը ժողովրդավար է, նրանից խնդրում է դադարեցնել պատերազմը:


Այնուհետև լուրեր տարածվեցին, որ Նիկոլ Փաշինյանին Իտալիայի հայ համայնքի հետ հանդիպման ժամանակ հարց տված ադրբեջանցի «բլոգերը»՝ Աթա Աբդուլաևը, իրականում Ադրբեջանի ոստիկաններին սպասարկող անձ է: Աբդուլաևը հայտնի է եղել նախկինում որպես ՆԳՆ հասարակական կարգի պահպանման բաժանմունքի բաժնի վարիչ, իսկ այժմ կատարում է Բաքվի Նասիմի շրջանի բաժնի պետի կարգադրությունները: Նա հայտնի է որպես սադրիչ:



Վաչապետի մամոլի խոսնակը նշել է, որ երկրի ղեկավարին ուղղվող հարցերը նախապես չի որոշվում: «Դա ինչպե՞ս է կանոնակարգվել, մուտքն արդյոք ազատ է եղել», - ասել է Վլադիմիր Կարապետյանը Թերթի հետ զրույցում: «Եկեղեցին հայտարարությունը հրապարակային է արել, մասնակցությունը ազատ էր, այսինքն՝ ցուցակագրում չի եղել: Պարզապես անվտանգության ծառայությունների կողմից համապատասխան ստուգումներ են անցկացվել: Մուտքը ազատ է եղել նախօրոք հրապարակված հայտարարության հիման վրա»,- ասաց նա:


Ադրբեջանցի «բլոգերը» վարչապետին ասել էր. «Մեզ պատերազմ պետք չէ, ազատեք մեր հողը»:


«Փաստ է, որ Դուք` լինելով ադրբեջանցի, մտել եք հայկական եկեղեցի, որտեղ գտնվում են հայեր, և հարց տվեցիք Հայաստանի վարչապետին: Իմացեք, որ հայը հնարավորություն չէր ունենա մտնել միջոցառման, որտեղ ներկա է Ադրբեջանի նախագահը»,- պատասխանել էր Նիկոլ Փաշինյանը:


Ավելի ուշ «Ռազմինֆո» կայքի համակարգող Կարեն Վրթանեսյանը հայտարարեց, որ Միլանում հայկական եկեղեցում հայ համայնքի հետ հանդիպման ժամանակ ՀՀ վարչապետ Նիկոլ Փաշինյանին հարց ուղղված ադբրեջանցին իրականում անվտանգության ծառայող է։


 


 

Տպել

Թեմայի այլ նորություններ
Загрузка...