Արայիկ Հարությունյանն առաջադրվեց Արցախի նախագահի թեկնածու

Ստեփանակերտում այսօր տեղի է ունեցել «Ազատ Հայրենիք» կուսակցության յոթերորդ համագումարը, որի շրջանակում կուսակցության նախագահ է վերընտրվել Արցախի նախկին վարչապետ Արայիկ Հարությունյանը:

Ինչպես և կանխատեսվում էր, Արայիկ Հարությունյանը նաև առաջադրվել է որպես թեկնածու 2020 թվականի հերթական նախագահական ընտրություններին: 

Նշենք, ըստ շրջանառվող լուրերի՝ Արայիկ Հարությունյանն ընդունելի թեկնածու է նաև ՀՀ իշխանությունների կողմից: Օրերս «Ազատ Հայրենիք» խորհրդարանական խմբակցության անդամները Երևանում հանդիպեցին ՀՀ վարչապետ Նիկոլ Փաշինյանի հետ: