29.03.2024
Արայիկ Հարությունյանն առաջադրվեց Արցախի նախագահի թեկնածու
prev Նախորդ նորություն

Նորություններ գործընկերներից

ՌԴ-ն բարձր է գնահատում ՀՀ-ի նվիրվածությունը Հայրենական մեծ պատերազմի հիշատակի պահպանմանը

Ինձ համար մեծ պատիվ է ներկա գտնվել ցուցահանդեսի բացմանը՝ նվիրված Հայրենական մեծ պատերազմում տարած հաղթանակի 75-ամյակին։ Այս մասին Երեւանում Հայրենական մեծ պատերազմի հաղթանակի 75-ամյակին նվիրված ցուցահանդեսի բացման արարողությանը հայտարարել է ՌԴ ԱԳ նախարար Սերգեյ Լավրովը:


«Կցանկանայի, նախ և առաջ, շնորհակալություն հայտնել Ազգային պատկերասրահի ղեկավարությանը, որն այս ցուցահանդեսի համար տրամադրել է իր հիանալի դահլիճներն այս հիասքանչ շենքում։ Ցուցահանդեսի նյութերը մանրամասն պատմում են այն տարիների ողբերգական իրադարձությունների մասին, մեր հայրերի ու պապերի անօրինակ սխրանքի մասին, որոնք անասելի ջանքերի և զոհերի գնով փրկեցին քաղաքակրթությունը դարչնագույն ժանտախտի սարսափներից, ամուր պատնեշ դրեցին դրա ճանապարհին։ Հայ ժողովրդի ներկայացուցիչները Խորհրդային Միության մյուս ժողովուրդների հետ ուս ուսի պաշտպանել են Բրեստն ու Մոսկվան, մարտնչել Ստալինգրադի ու Կուրսկի աղեղի ճակատամարտերում, ազատագրել Կովկասն ու Ղրիմը, վերցրել Բեռլինը»,- ասել է Լավրովը՝ հավելելով, որ Ռուսաստանում բարձր են գնահատում Հայաստանի նվիրվածությունը Հայրենական մեծ պատերազմի հիշատակի պահպանմանը: Լավրովը նաև լավ ավանդույթ է համարել «Անմահ գունդ» ակցիայի կազմակերպումը, որի շարքերում այս տարի 10 հազար այլ մասնակիցների հետ անցավ նաև նախագահ Սարգսյանը։


«Հաջորդ տարի մենք նշում ենք Մեծ հաղթանակի 75-ամյակը։ Մեզ համար հատկապես կարևոր է, որ Հայաստանի վարչապետ Փաշինյանն առաջիններից մեկն արձագանքեց նախագահ Պուտինի հրավերին՝ մասնակցելու հոբելյանական միջոցառումներին, որոնք տեղի կունենան 2020 թվականի մայիսի 9-ին Մոսկվայի Կարմիր հրապարակում։ Ռուսաստանցիների և հայերի բազմադարյա բարեկամությունը, որը կոփվել է դաժան ռազմական փորձություններով, երաշխիք է հանդիսանում հայ-ռուսական ռազմավարական համագործակցության և դաշնակցության հետագա ամրապնդման համար՝ ի բարօրություն մեր քաղաքացիների՝ հանուն Անդրկովկասում և մեր տարածաշրջանում անվտանգության և կայունության»,- նշել է Սերգեյ Լավրովը։

Անընդունելի են ջանքերը, որ ոմանք փորձում են խեղաթյուրել Մեծ Հայրենականի պատմությունը
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար