Մարդասիրական նոր ճգնաժամի կարող բերել. ՀՀ ԱԳՆ-ն դատապարտում է Թուրքիայի՝ Սիրիա ներխուժումը

Հայաստանը դատապարտում է Սիրիայի հյուսիս-արևելքում Թուրքիայի կողմից իրականացվող ռազմական ներխուժումը, որը կհանգեցնի տարածաշրջանային անվտանգության հետագա վատթարացման, քաղաքացիական բնակչության շրջանում մարդկային կորուստների, տեղահանվածների մեծ հոսքի և ի վերջո մարդասիրական նոր ճգնաժամի։ Հատկապես մտահոգիչ իրավիճակ է ստեղծվում ազգային և կրոնական փոքրամասնությունների համար:


Ինչպես հայտնում են ԱԳՆ-ի մամուլի ծառայությունից, այս ռազմական ներխուժումը ստեղծում է նաև ինքնության հիմքով մարդու իրավունքների ծանր և զանգվածային խախտումների անմիջական վտանգ։ Հայաստանը կոչ է անում գործադրել գործուն միջազգային ջանքեր այս ռազմական ներխուժումը դադարեցնելու, զանգվածային վայրագությունները կանխելու և Թուրքիային սահմանակից Սիրիայի բնակչությանը պաշտպանելու ուղղությամբ։


Հայաստանն աջակցում է Սիրիայի միասնությանը և ինքնիշխանությանը և կոչ է անում զերծ մնալ Սիրիայի և նրա ժողովրդի դեմ ռազմական ոտնձգություններից: Հայաստանը կշարունակի տեղում մարդասիրական օգնություն ցուցաբերել բարեկամ Սիրիայի ժողովրդին։


Թուրքիայի նախագահ Ռեջեփ Թայիփ Էրդղանը հայտել է, որ թուրքական զորքերը սկսել են Սիրիայի հյուսիսում ռազմական գործողություններ:


Ինչպես հայտնում է «Բի-բի-սի»-ն, այս մասին Էրդողանը գրառում է թողել Թվիթերի իր միկրոբլոգում: «Ռազմական գործողությունների նկապատակն է Սիրիայի հարավից դուրս մղել քրդական ռազմական զորամիավորումները եւ այնտեղ ստեղծել անվտանգության գոտի», - նշում է «Բի-բի-սի»-ն:


Միջազգային մամուլը հայտնում էր, որ ԱՄՆ նախագահ Դոնալդ Թրամփի հետ պայմանավորվածությունից հետո, որի արդյունքում ամերիկայն զորքերը դուրս բերվեցին Սիրիայի հյուսիսից, Թուրքիա սկսել էր զորքեր կուտաել Սիրիայի հետ սահմանին:


 

Տպել

Թեմայի այլ նորություններ
Загрузка...