ԵԱԶԲ-ն քննարկում է «Զվարթնոց» օդանավակայանի նախագծերից մեկի ֆինանսավորումը

Եվրասիական զարգացման բանկը (ԵԱԶԲ) քննարկում է Երևանի «Զվարթնոց» օդանավակայանի նախագծերից մեկի ֆինանսավորումը: Այս մասին լրագրողների հետ հանդիպմանը հայտարարեց  բանկի ներկայացուցչության տնօրեն Արմեն Մելկիկյանը:

Նրա խոսքով, իրենք արդեն ստացել են բիզնես մոդել, փաստաթղթեր, որոնք պահանջել են «Զվարթնոցից», բայց քանի որ որոշ հարցեր են ծագել, այժմ րանք քննարկման փուլում են և վերջնական որոշում չկա.

«Դեռ չենք կողմնորոշվել», – ասաց Մելկիկյանը։

Նրա ներկայացմամբ, «Զվարթնոցը» ցանկանում է վերակառուցել տերմինալները, բացի դրանից, նրանք ունեն շրջանառու կապիտալի հետ կապված նախագիծ։

«ԵԱԶԲ–ն դիտարկում է երկու նախագծերը, բայց տերմինալի ֆինանսավորման վերաբերյալ առայժմ առաջարկ չի ստացել օդանավակայանից» ,- հավելեց նա։