Ակնկալում ենք Արման Բաբաջանյանից վերադարձնել պատգամավորական մանդատը. ԼՀԿ

«Լուսավոր Հայաստան» խմբակցությունը հարգում է պարոն Արման Բաբաջանյանի սկզբունքային դիրքորոշումը և ակնկալում է նրանից նույն սկզբունքայնությամբ վերադարձնել «Լուսավոր Հայաստան» կուսակցության համամասնական ցուցակով ստացած մանդատը։

Այս մասին ասված է «Լուսավոր Հայաստան» կուսակցության հայտարարության մեջ:

«Շնորհակալություն ենք հայտնում պարոն Բաբաջանյանին «Լուսավոր Հայաստան» խմբակցությունում կատարած աշխատանքի համար և մաղթում հաջողություններ իր հետագա գործունեությունում», - ասված է հայտարարությունում։

Ավելի վաղ հայտնել էիք, որ ՀՀ ԱԺ պատգամավոր Արման Բաբաջանյանը լքել է «Լուսավոր Հայաստան» խմբակցությունը: Նա հանդես էր եկել ծավալուն հայտարարությամբ: