«Ֆլեշ»-ի Բարսեղը նեղ վիճակում է. նրան պատկանող ողջ գույքի վրա կալանք է դրվել

186

Քննիչի որոշմամբ կալանք է դրվել գործարար, քրեական գործով մեղադրյալ Բարսեղ Բեգլարյանին պատկանող ողջ գույքի վրա, որը տասնապատիկ անգամ գերազանցում է վնասի չափը։ Այս մասին օգոստոսի 30–ին դատարանում հայտարարեց «Ֆլեշ» ՍՊԸ-ի նախագահ, գործարար Բարսեղ Բեգլարյանի պաշտպան Վահագն Թորոսյանը։


Պաշտպանական կողմը, նշում է փաստաբանը, պատրաստ է 10 մլն դրամ վճարել դատարանի դեպոզիտ հաշվին, որպեսզի գույքի վրա դրված կալանքը հանվի։ «Արդեն տևական ժամանակ է խախտվում է իմ պաշտպանյալի սեփականության իրավունքը, բացի այդ, վարձակալության, այլ գործարքներ կատարելու, ինչպես նաև գույքը տնօրինելու հետ կապված խնդիրներ կան», - նշում է նա։ Նախագահող դատավոր Դավիթ Հարությունյանը հայտարարեց, որ վկաների հարցաքննությունից հետո կանդրադառնա միջնորդության քննությանը։


Հիշեցնենք, որ «Ֆլեշ» ՍՊԸ-ի նախագահ Բարսեղ Բեգլարյանին մեղադրանք է առաջադրվել՝ ՀՀ քրեական օրենսգրքի 322-րդ հոդվածի 2-րդ մասով նախատեսված բռնություն գործադրելու սպառնալիքներով ինքնիրավչություն կատարելու համար։ Բարսեղ Բեգլարյանի նկատմամբ ընտրված խափանման միջոցը դատախազությունը փոխել էր անձնական երաշխավորությամբ, իսկ ավելի ուշ նրա նկատմամբ ընտրված խափանման միջոցը վերացվել է։


 

Տպել

Թեմայի այլ նորություններ
Загрузка...