Վրացիներն ու աբխազներն ընդհանուր արմատներ ունեն, ապագան էլ պետք է ընդհանուր լինի. Բախտաձե

Վրացիներն ու աբխազներն ընդհանուր արմատներ ունեն, և մեր ապագան նույնպես պետք է ընդհանուր լինի: Այդ մասին հայտարարել է Վրաստանի վարչապետ Մամուկա Բախտաձեն:

«Մենք՝ վրացիները և աբխազները, ընդհանուր արմատներ ունենք, ուստի մեր ապագան նույնպես պետք է ընդհանուր լինի: Մենք պետք է միասին աշխատենք, որպեսզի այդ ցավը հաղթահարենք: Դա եղբայրասպան պատերազմ էր, ընդհանուր ցավ, և մենք պետք է միասին հաղթահարենք այդ մարտահրավերները: Ես վստահ եմ, որ խաղաղությամբ և զարգացմամբ մենք անպայմանորեն կհասնենք մեր երկրի խաղաղ միավորմանը և բարգավաճող ընդհանուր երկրի ստեղծմանը: Խաղաղությունն ու զարգացումն այլընտրանք չունեն»,-ասել է Բախտաձեն: