Այս ամառ ռուսաստանցիների համար թիվ մեկ ուղղությունը Երևանն է

Tutu.ru կայքի վերլուծաբանները պարզել են, որ 2019 թվականի ամռանը ռուսաստանցիների համար ամենանախընտրելի օտարերկրյա ուղղությունը Երևանն է:

Դեպի Հայաստան այցելությունների  դինամիկան գրեթե քառորդ չափով ավելացել է:

«Օտարերկրյա ուղղություններից ամենաշատը այս ամառ մեկնել են Երևան (թռիչքը Մոսկվայից): Այս տարի նրանց թիվը, ովքեր հանգստացել են Երևանում կամ դեռ ծրագրում են մինչև օգոստոսի վերջ հանգիստն անցկացնել Երևանում 4,7% աճել է մինչև 5,9%: Վրաստանում հանգիստը նախընտրողների թիվը կրկնակի անգամ նվազել է»,- ասված է ընկերության հաղորդագրության մեջ:

Ռուսաստանցիների համար նախընտրելի ուղղությունների տասնյակում են Քիշնևը, Տիվատը, Բաքուն, Մինսկը, Թբիլիսին, Բուրգասը, Բիշքեկը և Ալմա-Աթան: