Վրաստանում կանցկացվեն ՆԱՏՕ-ի Agile Spirit–2019 զորավարժությունները

Հուլիսի 29–ից օգոստոսի 9–ը Վրաստանում կանցկացվեն ՆԱՏՕ-ի Agile Spirit–2019 զորավարժությունները: Նշված ժամանակահատվածում այն անցկացվելու է 3 վայրերում՝ Վազիանիում, Սենակիում և Ախալցխայի «Օրփոլո» զորավարժարանում։

Agile Spirit–2019 զորավարժությանը մասնակցելու են ՆԱՏՕ անդամ և դաշնակից 14 երկրների ավելի քան 3000 զինծառայող՝  Վրաստանից, ԱՄՆ-ից, Միացյալ Թագավորությունից, Լատվիայից, Լիտվայից, Լեհաստանից, Նորվեգիայից, Բելգիայից, Բուլղարիայից, Հունաստանից, Մոնտենեգրոյից, Ռումինիայից, Թուրքիայից և Ուկրաինայից:  

Նշենք, որ Agile Spirit զորավարժությունները Վրաստանում անկացվում են ամեն տարի՝ 2011-ից սկսած: