Հայաստանը և Սերբիան կզագրացնեն կապերը պաշտպանության բնագավառում

Հայաստանի նախագահ Սերժ Սարգսյանն նոյեմբերի 25 ընդունել է Սերբիայի պաշտպանության նախարար Բրատիսլավ Գաշիչի գլխավորած պատվիրակությանը:

Նախագահի մամլո ծառայությունից հայտնում են, որ հանդիպմանը Սրգսյանը նշել է, որ վերջին տարիներին երկու "բարեկամ երկրների միջև ակտիվացել է քաղաքական երկխոսությունը", աշխուժացել են տնտեսական հարաբերությունները, ընդլայնվել է իրավապայմանագրային բազան, խորացել է միջազգային կազմակերպությունների շրջանակներում համագործակցությունը:

Սերժ Սարգսյանը կարևորել է նախարար Բրատիսլավ Գաշիչի այցի շրջանակներում ստորագրված «Հայաստանի Հանրապետության կառավարության և Սերբիայի Հանրապետության կառավարության միջև պաշտպանության բնագավառում համագործակցության մասին» համաձայնագիրը, որը, նրա համոզմամբ, համալրեց փոխգործակցության օրակարգը՝ հիմքեր ստեղծելով Հայաստանի և Սերբիայի պաշտպանական գերատեսչությունների միջև սերտ փոխգործակցության համար:

Սարգսյանը նաև նշել է, որ հայ ժողովրդի համար մեծ նշանակություն ուներ ս.թ. ապրիլին Սերբիայի Նախագահ Տոմիսլավ Նիկոլիչի ներկայությունը Հայոց ցեղասպանության 100-րդ տարելիցին նվիրված միջոցառումներին: "Դա բարեկամության և համերաշխության բացառիկ դրսևորում էր, ինչը հայ ժողովուրդը միշտ կհիշի և կգնահատի", - ասել է Սարգսյանը:

ՀՀ Նախագահը և Սերբիայի պաշտպանության նախարարը հանդիպման ժամանակ քննարկել են ինչպես երկկողմ հարաբերությունների օրակարգը, այնպես էլ միջազգային և տարածաշրջանային անվտանգությանն առնչվող արդի խնդիրներ