Վիգեն Սարգսյանը տեւական ժամանակով հեռանում է ՀՀ-ից. ո՞ւր է մեկնում եւ ո՞րն է պատճառը

Հայաստանի պաշտպանության նախկին նախարար, Հանրապետական կուսակցության առաջին փոխնախագահ Վիգեն Սարգսյանը մեկնում է Ամերիկայի Միացյալ Նահանգներ:

Հանրապետական կուսակցության նախընտրական ցուցակը գլխավորած գործիչը Հայաստանից հեռանում է՝ ԱՄՆ-ում ուսանելու նպատակով։ Նրա ուսումնառությունը տևելու է մեկ տարի, հայտնում է Factor.am-ը:

Այս տեղեկատվությունը հաստատել է նաև Վիգեն Սարգսյանը: «Այդ տեղեկությունները ճիշտ են, բայց ես մի քանի օրից այդ մասին հայտարարելու եմ»,- ասաց նա: Վիգեն Սարգսյանը Իրավունքի և դիվանագիտության արվեստների մագիստրոս է: 1998-2000 թվականներին սովորել է ԱՄՆ-ի Իրավունքի և դիվանագիտության Ֆլետչեր դպրոցում, Թաֆթս և Հարվարդի համալսարաններում:

Վիգեն Սարգսյանից նշել է, որ այ անգամ ընտրել է այլ մասնագիտություն. «Այլ մասնագիտություն է, որի մասին առաջիկայում կհայտարարեմ»:

Հիշեցնենք, որ Վիգեն Սարգսյանը վերջին երկու խորհրդարանական ընտրություններում գլխավորում էր ՀՀԿ նախընտրական ցուցակը։ 2018 թվականի նոյեմբերից նա զբաղեցնում է «Լույս» հիմնադրամի գործադիր տնօրենի պաշտոնը: