Հիլարի Քլինթոնը մտադիր չէ 2020 թվականին նախագահ առաջադրվել

ԱՄՆ նախկին պետքարտուղար Հիլարի Քլինթոնը հայտարարել է, որ չի ծրագրում 2020-ին առաջադրվել ԱՄՆ նախագահի պաշտոնում:

«Ես չեմ առաջադրվի, բայց կշարունակեմ աշխատել, ասել եւ պաշտպանել այն, ինչին հավատում եմ»,- ասել է Քլինթոնը։

Մինչ այդ տեղեկացվել էր, որ դեմոկրատ սենատոր Բեռնի Սանդերսը հաստատել է, որ մտադիր է 2020 թվականին առաջադրվել ԱՄՆ նախագահի պաշտոնում։

Սանդերսը մրցակցում էր Քլինթոնի հետ 2016թ. ընտրություններում Դեմոկրատական կուսակցությունից որպես թեկնածու առաջադրվելու համար։