Մեծահարուստների 70 տոկոս ունեզրկման մտադրությունը կամայացնի Հայաստանը․ Էլինար Վարդանյան

311

Օրեր առաջ կառավարող քաղաքական ուժը ներկայացնող պատգամավորի կողմից հնչեցվել է խոշոր գործարարների եւ մեծահարուստների 70 տոկոս ունեզրկման մտադրությունը։ Այս մասին հայտարարություն է տարածել ԱԺ նախկին պատգամավոր, «Այլընտրանքային նախագծեր» խմբի անդամ Էլինար Վարդանյանը:


Նա, մասնավորապես, նշել է. «Միտումնավոր չեմ արձագանքել անմիջապես, հույս ունենալով, որ նոր իշխանության բարձրաստիճան ղեկավարներից որեւէ մեկը կհերքեր կամ կտար լրացուցիչ պարզաբանումներ իրենց պատգամավորի ասածներին։


Բայց դա չեղավ։


Իշխանությունը կամ չի պատկերացնում ասվածի վտանգավորությունը, կամ իր պատգամավորի շուրթերով հնչեցնում է իր առաջիկա ծրագրերը։


Ցանկանում եմ տեղյակ պահել, որ այս հայտարարությունը լուրջ անհանգստություն է առաջացրել բիզնես շրջանակներում եւ չի կարող անտեսվել կամ տրվել մոռացության։


Իմ պարտքն եմ համարում զգուշացնել. Այս գաղափարի իրականացումը կամ իրականացման փորձերը կամայացնեն Հայաստանի տնտեսությունը։ Երկիրը կկանգնի տնտեսական կոլապսի առաջ։ Չի լինի ակտիվ գործարար միջավայր, չեն լինի ներդրումներ։


Իրավական տեսանկյունից մենք գործ կունենանք բացարձակ անօրինականության հետ եւ հիմքը կդնենք սեփականության վերաբաշխման ու չդադարող ստվերային գործարքների ու հետագա վենդետաների համար։


Ուզում եմ մեկ անգամ եւս շեշտել. եթե իշխանությունը չի կիսում իր պատգամավորի ասածները, ապա պարտավոր է օր առաջ պաշտոնապես հերքել։ Հակառակ պարագայում արդեն իսկ սկսված անհանգստությունները բիզնես դաշտում կվերածվեն կապիտալի արագ փախուստի երկրից»:


 

Տպել

Թեմայի այլ նորություններ
Загрузка...