Հայկական մարդասիրական առաքելության ուղարկումը Սիրիա կգնահատվի ՌԴ-ում. Կալաշնիկով

Հայկական մարդասիրական առաքելության ուղարկումը Սիրիա կգնահատվի Ռուսաստանում: Այս մասին Երևանում լրագրողների հետ ճեպազրույցում հայտարարել է Պետդումայի ԱՊՀ գործերի, եվրասիական ինտեգրման և հայրենակիցների հետ կապերի հանձնաժողովի նախագահ Լեոնիդ Կալաշնիկովը:

Նա նշել է, որ նախևառաջ Սիրիայում բնակվում են հայեր, բայց նաև Հայաստանը չվախեցավ Արևմուտքից.

«Դուք չվախեցաք Արևմուտքից, դրա արձագանքից: Դրա համար պետք է քաջություն ունենալ, և դա կգնահատվի ու գնահատվում է շատ դրական Ռուսաստանի կողմից», - նշեց Կալաշնիկովը:

Նա նաև ընդգծեց, որ հայկական կողմի որոշումն արդարեցված է Սիրիայի ժողովրդի ողբերգությամբ ու սեփական եղբայրներին օգնելու ցանկությամբ։