Հայաստանը չի պատասխանում հանդիպելու առաջարկներին. Զաս

492

Բելառուսի Անվտանգության խորհրդի պետքարտուղար, ՀԱՊԿ գլխավոր քարտուղարի պաշտոնին հավակնող Ստանիսլավ Զասը հայտարարել է, որ իր նշանակման հարցում դեռ էական տեղաշրժ չկա:


Մինսկում լրագրողների հետ հանդիպմանը այսպես է նա մեկնաբանել ՀԱՊԿ գլխավոր քարտուղարի պաշտոնունին յուր նշանակման շուրջ ծավալվող վերջին իրադարձությունները՝ նշելով, որ ՀՀ վարչապետ Նիկոլ Փաշինյանի հետ դեռեւս հանդիպում չի կայացել:


Զասի նշել է, որ առաջարկել է հանդիպել Փաշինյանին հայկական կողմին հարմար ցանկացած պահի, սակայն դեռեւս պատասխան չի ստացել: «Դեռ պատասխան չենք ստացել: ՀԱՊԿ մնացած անդամ-պետությունները Բելառուսի թեկնածուին իրենց աջակցությունն են հայտնել»,- ասել է նա:


Բելառուսի Անվտանգության խորհրդի պետքարտուղարը նաև հավելել է, որ ՀԱՊԿ կանոնադրությունը նաև սահմանափակ կազմով որոշումներ կայացնելու հնարավորություն է տալիս: Հայական կողմից ժամանակին այս հարցի հետ կապված պատասխանել էին, որ ՀԱՊԿ գլխավոր քարտուղարի հարցում անհրաժեշտ է բացարձակ կոնսենսուս եւ հարցը չի կարող լուծվել սահմանափակ կազմով որոշումներ կայացնելու մեխանիզմի միջոցով:


Այնուհետեւ Զասն ինքն ընդունել է, որ այս դեպքում այդ մեթոդն անընդունելի է, և ռազմաքաղաքական դաշինքի նորմալ աշխատանքի համար կոնսենսուսի վրա հիմնված որոշում է անհրաժեշտ:

Տպել

Թեմայի այլ նորություններ
Загрузка...