28.03.2024
Ժողովրդավարությունը Հայաստանի համար արժեք է, ոչ թե աշխարհաքաղաքական կողմնորոշում. Փաշինյան
prev Նախորդ նորություն

Նորություններ գործընկերներից

Մենք ընդունում ենք, որ կա որոշակի խնդիր. Մակունցը՝ ՊԵԿ պարգևատրումների մասին

Ազգային ժողովի «Իմ քայլը» խմբակցությունը խորհրդարանում աշխատանքային փակ քննարկում է անցկացրել ՊԵԿ նախագահ Դավիթ Անանյանի հետ, որն առնչվել է նաև գերատեսչության պարգևավճարների հետ կապված հարցին: Երբ քննարկումների արդյունքում ձևավորվի համապատասխան փաթեթ, «Իմ քայլը» խմբակցությունը կձեռնարկի որոշակի քայլեր։ «Արմենպրես»-ի հաղորդմամբ` փակ քննարկումից հետ լրագրողների հետ զրույցում այս մասին ասաց «Իմ քայլը» խմբակցության ղեկավար Լիլիթ Մակունցը:


«Սա խմբակցության նիստ չէր, այլ պարզապես խմբակցության ներսում աշխատանքային քննարկում` մի գերատեսչության ղեկավարի հետ: Նպատակահարմար գտանք, որ առաջինը քննարկում անցկացնենք ՊԵԿ նախագահ Դավիթ Անանյանի հետ: Նպատակը խնդիրն ախտորոշելն է։ Այո, մենք ընդունում ենք, որ կա որոշակի խնդիր: Եվ այդ խնդիրը խորապես հասկանալու համար պետք է բազմակողմանի ուսումնասիրություն անցկացնել մի քանի գերատեսչության հետ: Երբ քննարկումների արդյունքում ձևավորվի համապատասխան փաթեթ, «Իմ քայլը» խմբակցությունը կձեռնարկի որոշակի քայլեր»,-ասաց Մակունցը:


Նա նկատեց, որ մի կողմից այս պահին կան օրենսդրական որոշակի կարգավորումներ, որոնք հնարավորություն են տալիս պարգևատրումներ տրամադրել, մյուս կողմից կա անարդարության զգացում, որը հնչեցվեց հանրության կողմից:


«Ես ուզում եմ ավելի համակողմանի նայել խնդրին: Մենք ուզում ենք ունենալ արդյունավետ պետական ինստիտուտներ, պետական համակարգ, որտեղ հանրությանը հուզող խնդիրները պետք է լուծվեն օրենսդիր, գործադիր և այլ մարմինների կողմից: Եթե մենք չունենք պրոֆեսիոնալներ և լավ վարձատրող պրոֆեսիոնալներ, ապա այդ խնդիրներն այդպես էլ կմնան: Մյուս խնդիր այն է, որ հանրության կողմից կա անարդարության մթնոլորտի զգացողություն: Եվ պիտի տեսնենք, թե որտեղ է ոսկե միջինը և ինչ նախագծերով կարող ենք կարգավորել»,-նշեց Մակունցը:


Խմբակցության ղեկավարը շեշտեց, որ եղել է քննարկում, որտեղ հնչեցվել են տարբեր հարցեր` հասկանալու իրավիճակը: Իրավաբանները, տնտեսագետներն իրենց վերլուծությունների արդյունքում կատարել են իրենց հարցադրումները ՊԵԿ նախագահին: Մակունցը շեշտեց, որ փորձում են հավաքագրել անհրաժեշտ տեղեկատվությունը, որ տեսնեն, թե որպես օրենսդիր ինչ կարող են անել իրավիճակը լավացնելու համար:


Ավելի վաղ լրատվամիջոցներում լուրեր էի շրջանառվում, թե Պետական եկամուտների կոմիտեում դեկտեմբեր ամսին մեծ չափերով պարգևատրումներ են եղել:


 

Մամուլ. Սամվել Կարապետյանը հրաժարվել է հանդիպել Նիկոլ Փաշինյանի հետ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար