Թուրքիան մտադիր է ռազմական ինքնաթիռներ արտադրել

Թուրքիայի նախագահ Թայիփ Էրդողանը հայտարարել է սեփական ռազմական ինքնաթիռներ արտադրելու մտադրությունների մասին:

Այդ մասին Թուրքիայի առաջնորդը հաղորդել է կիրակի երկրի հյուսիս-արեւմուտքում Սաքարյա նահանգում իր ելույթի ժամանակ:

«Սեփական տանկեր եւ անօդաչու թռչող սարքեր ստեղծելուց հետո մենք կարտադրենք նաեւ սեփական ինքնաթիռներ»,-գործակալությունը մեջբերում է նախագահի խոսքերը:

Ըստ Էրդողանի՝ «Թուրքիան պետք է ուժեղ լինի ոչ միայն տնտեսության, քաղաքականության եւ դիվանագիտության, այլեւ պաշտպանության ոլորտում»: